اهلا بكم في امبراطورية كوفه
 
الرئيسيةالبوابةس .و .جبحـثالتسجيلالمجموعاتدخولالتسجيل

شاطر | 
 

 حكايتي مع عيــــــــــــــــــــ الحب ـــــــــــــــد

اذهب الى الأسفل 
كاتب الموضوعرسالة
ke@ke

عضو vip
 عضو vip
avatar

ذكر عدد الرسائل : 1027
العمر : 27
الجنـــســيــــــــــه : مريخي
الــوظيـــــفــّــه : مقشر بصل
العمــــــــــــــــــــر : 16
الجنسية :
رقم العضوية : 97
تاريخ التسجيل : 12/10/2007

مُساهمةموضوع: حكايتي مع عيــــــــــــــــــــ الحب ـــــــــــــــد   2007-11-09, 1:08 pm

حكايتى مع عيد الحب


طبعا كلكم هتتجننوا علشان تعرفوا ايه حكايتى مع عيد الحب او المدعو فلاتيين داى
بصوا بقى انا هحكلكم من الاول خالص ...انتوا عارفيين ان الكل بيخرج فى العيد ده علشان يتقابل الناس فيه ويتبادلوا الهدايا ..انا كمان قولت ما بدهاش فخرجت بس مكنتش عارفة انه عيد الحب النهاردة..بس .. عارفين خرجت ليه ..علشان ادور على شغل .. وصحيت متنيلة على عينى متاخرة كمان على اصحابى .. واول ما خرجت لقيت الدنيا حمرا ..قولت خير اللهم اجعله خير . هو فى ماتش للاهلى ولا ايه .اللى ماسك ورد احمرا .. واللى ماسك دبدوب احمر والناس لبسين احمر ...فى احمر. هما هيتعدموا ولا ايه؟؟؟ اما انا فكنت ماسكة حاجة حمرا عارفيين ايه؟؟ الدوسيه اللى فى كل اوراقى وشغلى الصحفى صدف بقى ..يلا اهو يمشى برضوا ....روحت قابلت اصحابى .. ولقيتهم على اخرهم علشان اتاخرت عليهم ..بس الغريبة انهم مكنوش لبسين احمرا قولت كويس كلنا فى الهوا سوا بس سالتهم هو الناس مالها احمرت ليه ..قولولى اصل النهاردة عيد الحب قولتهم هو جه بدرى كده ليه مش يدينا خبر.. ده اسمه كلام . ... المهم واحنا مشيين ..وطول الطريق فطسنين من الضحك على نفسنا . .فقلتلهم تخيلوا لو حد عرف اننا فى عيد الحب خرجيين ندور على شغل هيقولوا علينا ايه بس ... والضحك مستمر ..والوضع محرج ليا لان ماسكه الدوسيه الاحمر ..يقولوا ايه بس الناس ..روحنا وصلنا اخيرا.. للمكان اللى احنا عايزين نشتغل فيه ..وزى ما دخلنا من الباب خرجنا افاقنا مامر عيش فينو ...للاسف اتقفلت حكاية التعيين فى المكان ده ..المهم قولنا خيرها فى غيرها روحنا اشترينا جورنال الوفد والوطنى قولنا نتصل بيهم بدل ما ندب المشوار على الفاضى ..فاحنا كلنا فى عالم والناس حولينا فى عالم تانى خالص. احنا بنشترى جرايد والناس بتشترى هدايا ..المهم.وقفنا قرأنا الجرايد اللى اشتريناها .. ودورنا على سنترال علشان نتصل . .فلقلينا كشك صغير فسالنا صاحبه على التليفون فقلنا اه فى ..فنبص على التليفون لقينا عدة من ايام الجنيه الجبس .يلا.المهم شغالة ..بس للاسف محدش رد علينا من الجورنال بتاع الوطنى.. فشكينا فى العدة فقررنا ندور على سنترال . ..واحنا بنلف على سنترال ..الواحد مكنش عارف يمشى فى الشارع ..والسينمات..على اخرها ..ومناظر ايه تكسف .. فملئناش غير كشك صغير تانى والعدة من نفس الماركة ..الظاهر حد داعى علينا النهاردة..بس ايه المرة دى حد رد علينا ..بس قالنا مفيش شغل ولا تدريب قولنا ياناس نشتغل مندوبين اخبار مفيش فايدة ..فقفلنا التليفون ..وقولنا خلاص .. مفيش تليفونات مفيش شغل مفش اكشاك ..مش كنا خرجنا زى البنى ادميين دول نشم حبة هوا ونجيب لنفسنا هدايا ..المهم خدنا الصدمة وقررنا اننا نتفسح شوية رحنا اتسوقنا واشترينا شوية حاجات و اكلنا وشربنا . .وسمعنا تعليقات انما ايه . .واحد مثلا قالنا ايه اخبار عيد الحب معاكم ..؟؟ روحنا قولنا لنفسنا عيد منيل ... وهلمجرا من التعليقات اللى بيرددها الناس الفاضية فى عيد الحب ... المهم قولنا يلانروح اه والله هنروح .و.ياريتنا ما كنا قررنا نروح فى التوقيت ده ..هتقولوا ليه ..هقولكم .. بصوا احنا ودعنا صحبتنا وبعد ما مشية وروحنا نركب المترو ..المترو اتاخر اوى .قولنا عادى بيعملها كتير .وفضلنا نتكلم لغاية المترو ما شرف ..طبعا كان زحمة موووووووت وانا مكنتش هركب بس علشان الوقت اتاخر فركبنا واول ما افل باب المترو من اللحظة دى اختفت ملامح عيد الحب ..لاننا مكناش شيفين حاجة ..زى مانكون محشورين فى علبة سردين وقفلوا علينا . والمتروكأن المترو من ماركة ادى زوبة زقه ..ماشى واحدة واحدة ...المهم استحملنا ..لكن زى ما بيوقلوا رضينا بالهم والهم مش راضى بينا ..المترو وقف .. ....ايووووووووه وقف لان المسئول فى المحطة قال ان فى عطل وده فعلا كان واضح من اول ما ركبنا ...تخيلوا انتوا مترو كان متاخر وزحمة ووقف ايه الوضع بقى؟؟ اتفتحت الابواب والكل ما صدق نزل ..وكل اللى كان فى المترو طلع على الكوبرى علشان يروحوا الرصيف التانى حسب توجهات المسئولين فى المحطة ..وانا وصحبتى هاتك يا ضحك على اللى احنا فيه ده من الصبح ..بقى ده يا خواتى يتحسب علينا عيد . .المهم طبعا معرفناش نركب المترو الاول ..فوتناه . واستينا واحد تانى وبس الغريبة ان المترو المتعطل لقينه بقدرة قادر مشى زى الصاروخ . .تقولش ما صدق الناس نزلت ..وفات وقت و.جه المترو التانى..والناس يعينى منتظراه يجى لحد عندها اول المحطة لكن سواق المترو ..مش عارفة ماله مستقصد الناس ..وقف فى نص المحطة ..وخلى الناس اللى فى اول المحطة يسبوا ويلعنوا اليوم اللى نزلوا فيه النهاردة . .استغفر الله العظيم ..المهم اللى ينقط ان ليه المسئول اللى فى المحطة قالنا نروح الرصيف التانى هو اللى متعطل ايه بالظبط المترو ولا الرصيف ؟؟ فتفاجنا بمترو ..جه من على الرصيف التانى اللى تركناه حسب توجهات الباشا مسئول المحطة .: .. واللى كان يغيط انه كان المترو رايق فلقينا النا س بتجرى الناحية التانية علشان تلحقه .اما احنا مش قدرين نمسك نفسنا من اللى بيحصل حولينا ..روحنا قررنا ترك الرصيف النحس ده ونروح للرصيف التانى اللى كنا عليه من الاول فطلعنا الكوبرى ..واتفاجنا ان الناس وقفة فى نص الكوبرى نصاحة . .علشان يشوفوا مين اللى هيجى الاول اللى على الرصيف اليمين واللى الشمال وبكده تكون فرصة الركوب اكبر... ...المهم وصلنا الرصيف المقصود وجه المترو وركبناه وبرضوا كان زحمة ...كالعادة ..بس اهو ارحم من مفيش ..وعد الوقت ونزلت صحبتى ..محطتها .وانا استمريت مع المترو .. وبدا المترو يفضى ..قولت خلاص هتفرج وهقعد ..لكن وقف المترو عادى فى المحطة بس طول فلقيت الكل بينزل ..سالت فى ايه ..قالولى المترو مش طالع ..قولت صبرررررنى يارب انا ايه اللى خرجنى فى اليوم ده .. وشوية وجه المترو وركبت لكنى وقفت على رجلى لغاية ما جت محطتى ..وروحت البيت .......وودعت عيد الحب ..الله ما يرجعه ..تانى ده عيد ..ودى كانت حكايتى مع عيد الحب . ارجو ان محدش يدعى عليا ... ..تحياتى بسمك نحيااا وتوامها ..
.................................................. ........

ملحوظة ..انا ضد عيد الحب لانه بدعة ..وانا قولت الموضوع ده لانه موقف وحبيت احكى عليه ..ياريت يا جماعة تدخلوا موضوع الفقيرة لربها ..الخاص بفتوى عيد الحب



اتمنى ان يكون عجبكم


منقوووووووووووووووووووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mr.KoFa

مؤسس المنتدى
 مؤسس المنتدى
avatar

ذكر عدد الرسائل : 3000
الجنـــســيــــــــــه : ذكر
الــوظيـــــفــّــه : طالب
العمــــــــــــــــــــر : الاعمار بيد الله
رقم العضوية : 1
مزاجي :
تاريخ التسجيل : 15/08/2007

مُساهمةموضوع: رد: حكايتي مع عيــــــــــــــــــــ الحب ـــــــــــــــد   2008-02-11, 8:52 pm

طرح رائع


يعطيك العافيه كيكي

_________________
الايميل الخاص بالامبراطورية
fros-000@hotmail.com
نرجو منكم اضافته
لاستفتاراتكم و آراكم و طلباتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فارس الامبراطورية

الرقابة الادارية
 الرقابة الادارية
avatar

ذكر عدد الرسائل : 221
الجنـــســيــــــــــه : مكاوي
الــوظيـــــفــّــه : كل شئ
العمــــــــــــــــــــر : 22
مزاجي :
تاريخ التسجيل : 15/08/2007

مُساهمةموضوع: رد: حكايتي مع عيــــــــــــــــــــ الحب ـــــــــــــــد   2008-03-24, 4:05 pm

قصه رائعه

مشكووور كاكي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حكايتي مع عيــــــــــــــــــــ الحب ـــــــــــــــد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~*¤®§(*§ امبراطورية كوفه §*)§®¤*~ˆ° :: `·.¸¸.·¯`··._.· (القسم العام) ·._.··`¯·.¸¸.·` :: ¤©§][§©¤][ كوفه القصص العام ][¤©§][§©¤-
انتقل الى: