اسئلة بايخة يومية لا غنى عنها

سلام لاحلى اعضاء

بعتقد ان في منا كتير بتصير معو هالامور ... تفضلووووو

ــ حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وجهه علائم الإستغراب والدهشة وبيقولك : بدك تحكي بالتلفون؟ .

ــ معزومين ع بيت جماعة، ولما بتدقوا الباب .. بيفتح واحد فهمان وبيقول بدهشة:هه إجيتوا ؟؟؟..
لا والله لسه بالطريق شو رأيك ؟ .

ــ لابس أحلى أواعيك ومتعطّر وشايل مفاتيح السيارة وجزدانك وطالع برى البيت، بيجي

حدا من أهلك بيسألك، شو رايحلك شي مشوار !!؟؟

لا والله طالع عالسطوح صلّح السكر.

ـــ حاط راسك ونازل دحي بهالكتب والدراسة، بيجي أبوك أو امك...: عم تدرس؟

لا والله ...!! عم غير زيت للسيارة.

ــ بتكون فايت على بيت ..بتتطلع فيك أمك بكل زكاء بتئلك: شو إجيت!!!!!؟؟؟.

ــ بتتصل مع حدا من اصحابك من رقم الشغل و هو حافظو

بيقولك شو بلاقيك بالشغل... والدوام بيكون لسى بأولو .

بتفيئ الصبح و بتكون عم تغسل وجهك بيجي حدا من أهلك و بيئلك شو فئت ؟

لأ عم امشي بنومي.

ــ بيشوفوك عم تحكي عالتلفون و صوتك وصلان لعند الجيران بيئولولك شو عم تحكي؟

لأ عم غني .

ــ بتكون راجع بآخر الليل على البيت و لما تفتح الباب وتدخل بيطلعلك حدا من اهلك "

شو بلاقي رجعت؟؟

اه و الله شو بدكم تساوو الرقاصة ما رضيت تنيمني عندها اليوم كمان .

ــ بتكون طالع مشوار مع اصحابك و عاطي خبر لاهلك انك بدك تتأخر
بأول المشوار والطلعة بيرن تلفونك و اذ واحد ا من الاهل الاحباب
شو بدك تطول نحنا عم نستناك؟.

لا والله انا ما رح طول كنت عم اضحك عليكم انو بدي اتاخر اليوم.

ــ بتكون صرلك زمان مو شايف واحد بيقلك شو لساتك عايش ؟؟

لا متت.

ــ بتكون نايم وملعون سماك من التعب بيجي حدا من أهلك بيفيئك وهو عم يسئلك .. نايم!!!
لاوالله عم عد خيطان وش المخدة

ــ بس شو رأيكم بنوع تاني.......باللي بفوت لعندك وأنت بعز نومك .....وبدير باله لتقوم تفيق ها.....بعدين بقرب بفيقك ...بهمس...وبقلك كانو بدن يفيقوك بس ما خليتهم.

...........................................

انشالله يكونو عجبوكن

_________________

هههههههههههههههههههههههههههههههه

كلام صحيح

بتحصل هذي الاشياء

شكرا صقووور

العفو دلووعة نايس
_________________

هههههههههههههههههههه
تجيب الضغط
_________________

يسلمو كاكا على المرور
_________________